‘விக்ரம்‘ படத்தை அடுத்து விஜய் நடிக்கும் 67-வது படத்தை இயக்கி வருகிறார் லோகேஷ் கனகராஜ். இந்த படத்தின் முதல் கட்ட படப்பிடிப்பு நடைபெற்று வரும் நிலையில், அடுத்தக்கட்ட படப்பிடிப்பு காஷ்மீரில் நடைபெற உள்ளது. இப்படத்தில் விஜய்யுடன் சஞ்சய் தத், கவுதம் மேனன், மிஷ்கின், மன்சூரலிகான் உள்பட பலர் நடிப்பதாக கூறப்படும் நிலையில், தற்போது ‘விக்ரம்‘ படத்தில் நடித்த பகத் ஃபாசிலும் விஜய்-67 வது படத்தில் நடிக்க இருப்பதாக தகவல் வெளியாகியிருக்கிறது.
சமீபத்தில் இதுகுறித்து ஒரு பேட்டியில் பகத் ஃபாசில் கூறுகையில், லோகேஷ் கனகராஜ் சினிமா யுனிவர்ஸ் என்ற அடிப்படையில் விஜய் 67-வது படத்தில் நானும் நடிப்பதற்கு அதிக வாய்ப்புள்ளது என்று கூறியிருக்கிறார். இதேபோல் ‘கைதி‘ படத்தில் இடம்பெற்ற டில்லி கேரக்டரும் விஜய் 67-வது படத்தில் இடம்பெறுவதாக கூறப்படுகிறது. அதனால் தற்போது விஜய் 67-வது படத்தில் கார்த்தி, பகத் ஃபாசில் ஆகியோரும் இடம் பெறுவது உறுதியாகி இருக்கிறது.
