தமிழ் திரையுலகில் ‘பொல்லாதவன், பையா, ரௌத்திரம்‘ போன்ற படங்களில் நடித்தவர் டேனி. ‘இதற்குத்தானே ஆசைப்பட்டாய் பாலகுமாரா‘ படத்தில் நடித்ததன் மூலம் மிகவும் பிரபலமடைந்தார். அதன்பின்னர் மியாவ், மரகத நாணயம், ரங்கூன், மாநாடு‘ உள்ளிட்ட படங்களில் நடித்து ரசிகர்களை கவர்ந்தார்.
மேலும் பிக்பாஸ் நிகழ்ச்சியில் கலந்து கொண்டு அனைவரின் பாராட்டுக்களை பெற்றார். இந்த நிலையில் நடிகர் டேனி, நடிப்பு பயிற்சி பட்டறையின் மூலம் பல நடிகர்களை உருவாக்க திட்டமிட்டுள்ளார்.
இதற்கு விஜய் சேதுபதி, ஜி.வி.பிரகாஷ், ராதா ரவி, சீமான், வெற்றிமாறன், தம்பி ராமையா உள்ளிட்ட பிரபலங்கள் ஆதரவு தெரிவித்து அதன் போஸ்டரை வெளியிட்டுள்ளனர். இந்த நடிப்பு பயிற்சி பட்டறை வருகிற மே 19, 20, 21 –ம் தேதிகளில் சென்னையில் நடைபெறவுள்ளது.
டேனியின் நடிப்பு பயிற்சி பட்டறைக்கு பிரபலங்கள் பலரும் வாழ்த்து தெரிவித்து வருகின்றனர்.
