முத்துக்குமார் இயக்கத்தில், அபி நட்சத்திரா, அனுமோள், மதன், லிங்கா, சிங்கம்புலி மற்றும் பலர் நடித்து கடந்த மாதம் வெளிவந்த வெப்தொடர் ‘அயலி‘. இது பெண்கல்வியின் முக்கியத்துவத்தை உணர்த்தும் கதையுடன் வெளியான இத்தொடருக்கு ரசிகர்களிடத்திலும், விமர்சகர்களிடத்திலும் நல்ல வரவேற்பு கிடைத்தது. சமூக ஊடகங்களில் ஒரு விவாதத்தையும் இத்தொடர் ஏற்படுத்தியுள்ளது. இத்தொடரை இயக்கிய முத்துக்குமாரை அழைத்து பரிசளித்து பாராட்டு தெரிவித்துள்ளார் அமைச்சர் உதயநிதி ஸ்டாலின். மேலும் இத்தொடரைப் பற்றி அவர் கூறியதாவது, ‘வயதுக்கு வந்ததை மறைத்து, மருத்துவர் கனவோடு படிக்கும் மாணவியின் கதை.
குழந்தை திருமணத்துக்கு எதிரான, பெண் கல்வியின் முக்கியத்துவத்தை உணர்த்தும் இப்படம் அனைவரும் பார்க்க வேண்டிய ஒன்று‘, என்று பாராட்டி பதிவிட்டுள்ளார்.
