நடிகர் விஜய் லோகேஷ் கனகராஜ் இயக்கத்தில் தற்போது ‘லியோ‘ படத்தில் நடித்து வருகிறார். இதில் திரிஷா, பிரியா ஆனந்த், மிஷ்கின், சஞ்சய் தத், அர்ஜூன் என பல முன்னணி பிரபலங்கள் முக்கிய கதாபாத்திரத்தில் நடித்து வருகின்றனர்.
இப்படத்தையடுத்து விஜய் நடிக்கும் 68-வது படத்தை அட்லீ, கார்த்திக் சுப்பராஜ், கோபிசந்த் மாலினேனி ஆகிய இயக்குனர்கள் இயக்கப்போவதாக தகவல் வெளியான நிலையில், தற்போது அது அனைத்தும் வதந்திகள், விஜய்யின் 68-வது படத்தை இயக்குனர் வெங்கட் பிரபு தான் இயக்குகிறார் என்ற செய்தி கடந்த சில நாட்களாக வெளியாகி வந்தது.
இதனை உறுதிப்படுத்தும் விதமாக நேற்று அதிகாரப்பூர்வ அறிவிப்பு வெளியாகியுள்ளது. வெங்கட் பிரபு இயக்கத்தில் விஜய் நடிக்கும் தனது 68-வது படத்தை ஏஜிஎஸ் பிலிம்ஸ் தயாரிப்பதாக அறிவிக்கப்பட்டுள்ளது. இப்படத்திற்கு வெங்கட் பிரபுவின் ஆஸ்தான இசையமைப்பாளரான யுவன் சங்கர் ராஜா இசையமைக்கிறார்.
