விஜய் ஆண்டனி நடித்த ‘பிச்சைக்காரன்‘ படம் மக்களிடம் நல்ல வரவேற்பை பெற்றது. தற்போது இதன் இரண்டாம் பாகத்தில் நடித்து வருவதோடு இயக்குனர் பொறுப்பையும் ஏற்றுள்ளார். இந்த படத்தின் படப்பிடிப்பு மலேசியாவில் கடந்தவாரம் நடந்தது. அப்போது அங்கு எதிர்பாரதவிதமாக நடந்த விபத்தில் விஜய் ஆண்டனி பலத்த காயமடைந்தார். இதைத்தொடர்ந்து அங்கு ஓரிரு நாள் சிகிச்சை பெற்றவர் அதன்பின் சென்னை வந்தார். தற்போது இங்குள்ள தனியார் மருத்துவமனை ஒன்றில் விஜய் அண்டனி சிகிச்சை எடுத்து வருகிறார். இதற்கிடையே இவரது உடல்நிலை பற்றி பல்வேறு விதமான தகவல்கள் பரவின.
இந்த நிலையில், விஜய் ஆண்டனி தான் சிகிச்சை பெற்று வரும் மருத்துவமனையில் இருந்து கட்டை விரலை உயர்த்தி காட்டி ஒரு பதிவு போட்டுள்ளார். அதில், “மலேசியாவில் நடந்த விபத்தில் தாடை, மூக்கில் காயம் ஏற்பட்டது. ஒரு பெரிய அறுவை சிகிச்சை முடிந்து, குணமாகி வருகிறேன். விரைவில் உங்களிடம் பேசுகிறேன். உங்கள் அனைவரின் ஆதரவுக்கும், அக்கறைக்கும் நன்றி“ என குறிப்பிட்டுள்ளார்.
