நடிகர் ரஜினிகாந்த் தற்போது நெல்சன் இயக்கத்தில் உருவாகி வரும் ‘ஜெயிலர்‘ படத்தில் நடித்து வருகிறார். இதையடுத்து அவரின் மூத்த மகள் ஐஸ்வர்யா ரஜினிகாந்த் இயக்கத்தில் ‘லால் சலாம்‘ படத்தில் சிறப்பு தோற்றத்தில் நடிக்கவுள்ளார். அதனைத் தொடர்ந்து ரஜினிகாந்த் 170-வது படத்தை இயக்குனர் தா.செ.ஞானவேல் இயக்குகிறார்.
விரைவில் அந்த படத்தின் படப்பிடிப்பும் தொடங்க உள்ளது. இந்நிலையில் சில நாட்களுக்கு முன்பு ரஜினிகாந்தை இயக்குனர் லோகேஷ் கனகராஜ் சந்தித்துள்ளார். ரஜினியின் 171-வது படத்தை இயக்குமாறு லோகேஷ் கனகராஜ் உடன் பேச்சுவார்த்தை நடைபெற்றதாக கூறப்படுகிறது. இந்த படத்தை நடிகர் கமல்ஹாசனின் ராஜ் கமல் நிறுவனம் தயாரிக்க உள்ளதாக தகவல் வெளியாகியுள்ளது.
