இயக்குனர் மகிழ் திருமேனி இயக்கத்தில் நடிகர் அஜித் நடித்து வரும் திரைப்படம் ‘விடாமுயற்சி‘. இப்படத்தை லைகா நிறுவனம் தயாரித்து வரும் நிலையில், அனிருத் இசையமைக்கிறார். இப்படம் ஹாலிவுட் தரத்தில் உருவாக்கப்படவுள்ளதால் படப்பிடிப்பு முழுவதும் அஜர்பைஜான் நாட்டிலேயே நடைபெறவுள்ளதாக கூறப்படுகிறது. சமீபத்தில் ‘விடாமுயற்சி‘ கலை இயக்குனர் மிலன் மாரடைப்பினால் அஜர்பைஜான் நாட்டில் உயிரிழந்தார். இது திரைத்துறையில் மிகப்பெரும் சோகத்தை ஏற்படுத்தியது.
இந்நிலையில், தற்போது இந்த படத்தின் கலை இயக்குனராக அவரது மனைவி மரியா மெர்லின் இணைந்துள்ளதாக தகவல் வெளியாகியது. இதற்கிடையே கடந்த 24-ந் தேதி படத்தின் முதற்கட்ட படப்பிடிப்பு நிறைவடைந்த காரணத்தால் சிறிய இடைவெளிக்காக நடிகர் அஜித் சென்னை திரும்பினார். இந்நிலையில் இன்று இரண்டாம் கட்ட படப்பிடிப்பிற்காக தற்போது மீண்டும் நடிகர் அஜித்குமார் அஜர்பைஜான் புறப்பட்டு சென்றுள்ளதாக தகவல் வெளியாகி உள்ளது.
