நடிகர் சந்தானம் நடித்து முடித்துள்ள திரைப்படம் ‘கிக்‘ இந்த படத்தை கன்னட இயக்குனர் பிரசாந்த் ராஜ் இயக்கி வருகிறார். இந்த படத்தின் மூலம் முதல் முறையாக கன்னடத்தில் சந்தானம் அறிமுகமாகிறார். இந்த படத்தில் கதாநாயகியாக தன்யா ஹோப் நடித்துள்ளார். மேலும் நடிகை ராகினி திரிவேதி முக்கிய கதாபாத்திரத்தில் நடித்துள்ளார். தமிழ் மற்றும் கன்னடம் என இருமொழிகளில் உருவாகும் இப்படத்தை சர்க்கல் பாக்ஸ் எண்டர்டெயின்மெண்ட் நிறுவனம் தயாரித்து வருகிறது.
பிரபல கன்னட இசையமைப்பாளர் ‘அர்ஜூன் ஜன்யா‘ இப்படத்திற்கு இசையமைத்துள்ளார். விரைவில் வெளியாகவுள்ள இப்படத்தின் தயாரிப்பு பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் டப்பிங்கை சந்தானம் நிறைவு செய்துள்ளார். தற்போது டப்பிங் புகைப்படங்களை படக்குழு வெளியிட்டுள்ளது.
