இந்தியாவில் தயாரிக்கப்பட்ட இருமல் மருந்தை உட்கொண்டதாகக் கூறப்படும் உஸ்பெகிஸ்தான் நாட்டில் குறைந்தது 18 குழந்தைகள் இறந்துள்ளதாகக் அந்நாடு குற்றம் சாட்டியிள்ளது.
உஸ்பெகிஸ்தானின் சுகாதார அமைச்சகம் வெளியிட்டுள்ள அறிக்கையில், நொய்டாவைச் சேர்ந்த மரியான் பயோடெக் நிறுவனம் தயாரித்த டாக்-1 மேக்ஸ் என்ற இருமல் மருந்தை குழந்தைகள் உட்கொண்டதால் உயிரிழந்ததாக தெரிவிக்கப்பட்டுள்ளது. இந்தியா இந்த விஷயத்தில் ஒரு விசாரணையைத் தொடங்கியுள்ளது மற்றும் மாதிரிகள் பரிசோதிக்கப்படும் வரை மருந்து நிறுவனத்தின் நொய்டா பிரிவில் இருமல் சிரப்பின் உற்பத்தி நிறுத்தப்பட்டுள்ளது.
உஸ்பெகிஸ்தானின் சுகாதார அமைச்சகத்தின் கூற்றுப்படி, ஒரு பகுதி சிரப்பின் ஆய்வக சோதனைகளில் எத்திலீன் கிளைகோல் என்ற ஒரு நச்சுப் பொருள் இருப்பது கண்டறியப்பட்டது. மருத்துவரின் பரிந்துரைச் சீட்டு இல்லாமலேயே குழந்தைகளுக்கு அவர்களின் பெற்றோர் அல்லது மருந்தாளுனர்களின் ஆலோசனையின் பேரில், குழந்தைகளுக்கான வழக்கமான அளவைத் தாண்டிய டோஸ்களுடன் இந்த சிரப் வழங்கப்பட்டதாகவும் அது கூறியது.
குழந்தைகள், மருத்துவமனையில் அனுமதிக்கப்படுவதற்கு முன்பு, 2முதல்7 நாட்களுக்கு வீட்டில் இந்த சிரப்பை 2.5 முதல் 5 மில்லி அளவுகளில் ஒரு நாளைக்கு மூன்று முதல் நான்கு முறை எடுத்துக்கொள்வது கண்டறியப்பட்டது. இது நிலையான அளவை மீறுகிறது என்று அமைச்சகம் தெரிவித்துள்ளது.